- Auglýsing -
- Auglýsing -

Molakaffi: Andrea, Aron, Bjarki, Sandra, Teitur, Hannes, Örn, Tumi

Andrea Jacobsen landsliðskona og leikmaður EH Alaborg. Mynd/Hafliði Breiðfjörð
  • Andrea Jacobsen hélt upp á nýjan samning sinn með EH Aalborg í gær og skoraði fjögur mörk í fimm marka sigri liðsins á Ringsted, 30:25, á heimavelli í næst efstu deild dönsku 1. deildarinnar í handknattleik. EH Alaborg er þar með áfram efst í deildinni með 38 stig eftir 20 leiki og er tveimur stigum á undan Bjerringbro sem vann AGF, 42:21, í gær.
  • Aron Pálmarsson var atkvæðamestur hjá Aalborg Håndbold þegar liðið vann Mors Thy á heimavelli í dönsku úrvalsdeildinni í gær, 29:21. Aron skoraði sjö mörk, þar af þrjú úr vítaköstum og gaf þrjár stoðsendingar. Aalborg og GOG eru jöfn í efsta sæti með 39 stig hvort þegar 23 af 26 umferðum er lokið. Liðin mætast í fyrstu umferð útsláttarkeppni Meistaradeildar Evrópu í Álaborg upp úr miðri næstu viku.
  • Bjarki Már Elísson fór á kostum og skoraði níu mörk fyrir Veszprém í níu marka sigri á Gyöngyös, 38:29, í ungversku úrvalsdeildinni í handknattleik í gær. Veszprém er efst í deildinni með 36 stig eftir 18 leiki. Bjarki lék aðeins fyrri hálfleikinn.

  • Sandra Erlingsdóttir og samherjar hennar í Metzingen halda áfram á sigurbraut í þýsku 1. deildinni í handknattleik. Þær unnu Halle-Neustadt, 27:26, á útvelli gær og halda þar með áfram að sitja í fjórða sæti deildarinnar með 22 stig eftir 18 leiki. Sandra skoraði ekki mark í leiknum.
  • Teitur Örn Einarsson var ekki á meðal markaskorara hjá Flensburg í jafntefli, 27:27, á útivelli gegn Göppingen í þýsku 1. deildinni í handknattleik í gærkvöld. Göppingenmenn pakka niður í tösku í dag og koma til Íslands á morgun til viðureignar við Val í 16-liða úrslitum Evrópudeildarinnar á þriðjudagskvöld í Origohöllinni. Flensburg er í fimmta sæti með 33 stig eftir 22 leiki, sex stigum á eftir Füchse Berlin sem er á toppnum. Göppingen er í 15. sæti með 14 stig.
  • Hannes Jón Jónsson og lærisveinar í Alpla Hard unnu Barnbach, 23:22, á útivelli í austurrísku 1. deildinni í gær. Alpla Hard situr í fjórða sæti með 26 stig eftir 19 leiki, er átta stigum á eftir Krems sem trónir á toppnum.

  • Örn Vésteinsson Östenberg skoraði ekki mark fyrir TuS N-Lübbecke í eins marks sigri liðsins á VfL Lübeck-Schwartau, 27:26, í þýsku 2. deildinni í gær. Örn og félagar voru fjórum mörkum undir hálfleik en tókst að snúa við taflinu í síðari hálfleik. TuS N-Lübbecke fór upp í annað sæti deildarinnar, er stigi fyrir ofan Eisenach sem tapaði í fyrrakvöld.
  • Tumi Steinn Rúnarsson var ekki í leikmannahópi Coburg í gær þegar liðið tapaði útivelli fyrir Ludwigshafen, 28:26, í þýsku 2. deildinni. Coburg er í 12. sæti deildarinnar af 20 liðum með 21 stig eftir 25 leiki.
- Auglýsing -
- Auglýsing -

Nýjustu fréttir

- Auglýsing -