- Auglýsing -

Molakaffi: Andrea, Berta Rut, Jacobsen, Hedin fékk blátt spjald

Andrea Jacobsen landsliðskona og leikmaður EH Alaborg. Mynd/Hafliði Breiðfjörð
  • Andrea Jacobsen og félagar í EH Aalborg unnu 12. leik sinn í röð í næst efstu deild danska handknattleiksins í gær. EH Aalborg vann Ejstrup-Hærvejen, 26:23, á heimavelli eftir að hafa verið marki undir í hálfleik, 10:11.  Andrea skoraði ekki mark í leiknum. EH Aalborg er efst með 24 stig eftir 13 leiki en liðið tapaði fyrsta leiknum á leiktíðinni. Síðan hefur hver sigurleikurinn fylgt öðrum. 
  • Berta Rut Harðardóttir lék ekki með Holstebro þegar liðið vann Hadsten Håndbold, 28:24, á heimavelli í næst efstu deild danska handknattleiksins. Holstebro er í öðru sæti deildarinnar, tveimur stigum á eftir EH Aalborg
  • Nikolaj Jacobsen þjálfari heimsmeistara Dana vinnur sem sjálfboðaliði við þjálfun barna í heimabæ sínum á Fjóni. Hann telur það ekki eftir sér og segir mikilvægt að taka þátt í sjálfboðaliðavinnu í kringum yngri flokka barna og unglinga. 
  • Sænski landsliðsþjálfari bandaríska landsliðsins á HM í handkattleik karla, Robert Hedin, fékk bláa spjaldið fimm mínútum fyrir leikslok í viðureign Bandaríkjanna og Marokkó í fyrstu umferð HM í fyrradag. Þetta var fyrsta bláa kortið sem sýnd er þátttakenda á HM.
  • Hedin var of seinn að styðja á leikhléshnappinn sem olli því að hann rændi Marokkómenn hraðaupphlaupi. Dómarar leiksins hikuðu ekki við að útiloka Hedin frá leiknum. Óvíst var í gærkvöld hvort Hedin verður í banni í dag þegar bandaríska landsliðið mætir króatíska landsliðinu í 2. umferð í G-riðli í Jönköping.
- Auglýsing -
- Auglýsing -

Nýjustu fréttir

- Auglýsing -