- Auglýsing -
- Andrea Jacobsen og hennar nýju samherjar í danska úrvalsdeildarliðinu Silkeborg-Voel unnu sænska liðið Skövde HF, 29:25, í æfingaleik í Viborg í gær. Næstu leikur Silkeborg-Voel verður á sama stað á morgun gegn norska úrvalsdeildarliðinu Follo. Ekki fylgir sögunni hvort Andrea skoraði mark í leiknum.
- Janus Daði Smárason var með SC Magdeburg í gær þegar liðið vann Bergischer HC, 34:31, í æfingaleik. Janus Daði skoraði ekki marki í leiknum en tók talsvert þátt í sóknarleiknum. Svíinn Felix Claar sem kom til Magdeburg í sumar var markahæstur með sjö mörk.
- Lærisveinar Rúnars Sigtryggssonar í þýska 1. deildarliðinu SC DHfK Leipzig Handball unnu danska úrvalsdeildarliðið Bjerringbro/Silkeborg, 37:31, í æfingaleik í Danmörku í gær. Leipzig-liðið gerir víðreist um Danmörku þessa dagana. Andri Már Rúnarsson og Viggó Kristjánsson léku báðir með Leipzig í leiknum. Næsti æfingaleikur Leipzig-liðsins verður við TTH Holstebro á fimmtudaginn. Arnór Atlason tók við þjálfun Holstebro í síðasta mánuði.
- Þátttaka Íslendingaliðsins Rhein-Neckar Löwen í æfingamóti fyrir og um síðustu helgi varð dýru verði keypti. Markvörðurinn Mikael Appelgren meiddist á handlegg. Vonir standa til að hann verði fljótur að jafna sig. Öllu verr er komið fyrir Svíanum Olle Forsell Schefvert. Hann meiddist á hné og verður frá keppni og æfingum um ótiltekinn tíma. Ljóst er hið minnsta að Schefvert missir af fyrstu leikjum Löwen í deildarkeppninni í Þýskalandi.
- Auglýsing -
