- Auglýsing -
- Landsliðsmaðurinn Arnar Freyr Arnarsson fékk tak aftan í annað lærið í fyrri hálfleik í viðureign Melsungen og Stuttgart í þýsku 1. deildinni í handknattleik á sunnudaginn. Hann kom ekkert meira við sögu í leiknum. Arnar Freyr fór í myndatöku í gær. Niðurstaðan var jákvæð og má Arnar Freyr byrja að æfa aftur eftir fjóra daga.
- Steffen Weinhold hefur ákveðið að láta slag standa og leik með THW Kiel í ár til viðbótar eftir að núverandi samningur rennur út næsta vor. Kiel sagði frá því um helgina að örvhenta skyttan hafi skrifað undir nýjan eins árs samning sem gildir út júní 2024.
- Serbneski landsliðsmaðurinn Petar Nenadic verður að róa á ný mið næsta sumar. Hann fær ekki annan samning hjá ungverska liðinu Veszprém. Félagið sagði frá þessu í gær. Nenadic kom til Veszprém sumarið 2018 frá Füchse Berlin.
- Sænski hornamaðurinn Jerry Tollbring hefur skrifað undir þriggja ára samning við Füchse Berlin. Samningurinn tekur gildi næsta sumar. Milos Vujovic kveður Berlínarliðið á sama tíma. Tollbring leikur nú með danska meistaraliðinu GOG en þekkir vel til í Þýskalandi eftir veru hjá Rhein-Neckar Löwen frá 2017 til 2021.
- Leipzig, liðið sem Rúnar Sigtryggsson tók við þjálfun á í síðustu viku, varð fyrir áfalli á sunnudaginn þegar miðjumaðurinn króatíski, Marko Mamic, meiddist snemma leiks við Hamm. Í gær var staðfest að Mamic er með slitið krossband og kemur ekki meira við sögu á keppnistímabilinu.
- Auglýsing -
