- Auglýsing -
- Ásgeir Snær Vignisson skoraði tvö mörk fyrir Helsingborg þegar liðið vann Karlskrona á heimavelli í gær, 26:21, í umspili um sæti í sænsku úrvalsdeildinni á næstu leiktíð. Með sigrinum náðu Ásgeir Snær og samherjar forystu á nýjan leik. Þeir hafa tvo vinninga gegn einum hjá Karlskrona. Vinna þarf sem þrisvar sinnum til þess að hafa betur í einvíginu. Helsingborg var í úrvalsdeildinni í vetur en Karlskrona í deildinni fyrir neðan.
- Drammen tapaði fyrir Nærbø á heimavelli í gær í fyrstu viðureign liðanna í átta liða úrslitum norsku úrvalsdeildarinnar í handknattleik karla, 30:27. Viktor Petersen Norberg skoraði sex mörk og Óskar Ólafsson tvö fyrir Drammenliðið sem verður að vinna með fjögurra marka mun á heimavelli Nærbø eftir viku. Annars er liðið úr leik.
- Einar Jónsson þjálfari Hauka hlaut útilokun með skýrslu vegna mjög grófrar ódrengilegrar hegðunar í leik Selfoss og Hauka í 3. flokki karla þann 06.04.2023. Dómarar meta að brotið falli undir reglu 8:10 a). Með tilvísun í 10. gr. reglugerðar HSÍ um agamál er það niðurstaða aganefndar að þjálfarinn er úrskurðaður í eins leiks bann
- Victor Manuel Peinado Iturrino leikmaður Harðar var úrskurðaður í eins leiks bann á fundi aganefndar HSÍ á þriðjudaginn. Iturrino hlaut útilokun með skýrslu vegna mjög grófrar ódrengilegrar hegðunar í leik Harðar og Gróttu í Olísdeild karla 5. apríl.
- Jón Ómar Gíslason leikmaður Harðar, Ágúst Emil Grétarsson leikmaður Gróttu og Ívar Logi Styrmisson leikmaður Fram sem allir fengu útilokun með skýrslu í leikjum með liðum sínum í Olísdeild karla í næsta síðustu umferðinni, fara ekki í leikbann en eru minntir á stighækkandi áhrifum útlokana.
- Svíinn Per Johansson hefur skrifað undir nýjan samning við hollenska handknattleikssambandið um þjálfun kvennalandsliðsins. Samningurinn gildir fram í mars 2026. Johansson tók við þjálfun landsliðsins fyrir rétt rúmlega ári.
- Auglýsing -
