- Auglýsing -
- Hinn þrautreyndi þýski markvörður Johannes Bitter segist reikna með að hætta með þýska landsliðinu eftir Ólympíuleikana í sumar, ef hann hlýtur náð fyrir augum Alfreðs Gíslasonar landsliðsþjálfara þegar hann velur lið sitt fyrir leikana. Bitter 38 gamall og lék sinn fyrsta landsleik fyrir 19 árum. Hann er sá eini sem er eftir í þýska landsliðshópnum sem varð heimsmeistari á heimavelli 2007.
- Sigvaldi Björn Guðjónsson skoraði fjögur mörk þegar lið hans, Vive Kielce, vann enn einn leikinn í pólsku úrvalsdeildinni í handknattleik í gær. Kielce vann þá Kwidzyn, 40:26, á heimavelli. Vive Kielce hefur sem fyrr yfirburði í deildinni, hefur unnið alla 19 leiki sína til þessa.
- Kadetten Schaffhausen, liðið sem Aðalsteinn Eyjólfsson þjálfar, gerði jafntefli við Wacker Thun í 24. umferð svissnesku 1. deildarinnar í gær, 31:31. Leikið var á heimavelli Kadetten sem var tveimur mörkum yfir í hálfleik, 17:15. Kadetten er í öðru sæti deildarinnar með 37 stig eftir 24 umferðir, er þremur stigum á eftir Pfadi Winterthur sem trónir á toppnum.
- Hildigunnur Einarsdóttir verður í liði Bayer Leverkusen í dag sem tekur á móti Neckarsulmer í þýsku 1. deildinni í handknattleik kvenna. Hildigunnur hefur náð góðum bata eftir að hafa farið í speglun á hné í byrjun febrúar og er klár í lokasprettinn með liði sínu.
- Auglýsing -
