- Auglýsing -
- Auglýsing -
- Auglýsing -

Molakaffi: Bjarki Már, Daníel Þór, Oddur, Örn, Hannes Jón, Porto, Sporting, Vardar

Bjarki Már Elísson leikmaður Telekom Veszprém í Ungverjalandi. Mynd/Telekom Veszprém
- Auglýsing -
  • Bjarki Már Elísson var næst markahæstur hjá Telekom Veszprém í gær þegar liðið vann Kolmó, 39:32, í ungversku 1. deildinni í handknattleik í gær. Bjarki Már skoraði átta mörk. Svíinn Andreas Nilsson var markahæstur með 10 mörk. Telekom Veszprém er í öðru sæti deildarinnar með 45 stig, er stigi á eftir Pick Szeged, þegar tvær umferðir eru eftir. 
  • Daníel Þór Ingason skoraði eitt mark og átti tvær stoðsendingar þegar Balingen og Eisenach skildu jöfn, 25:25, á heimavelli Balingen í gær. Leikurinn var liður í 2. deild þýska handknattleiksins.  Aldrei slíku vant skoraði Oddur Gretarsson ekki mark fyrir Balingen í leiknum. Balingen er efst  í deildinni með 54 stig þegar fimm umferðir eru eftir. Eisenach er í öðru sæti með 46 stig eins og N-Lübbecke
  • Örn Vésteinsson Östenberg skoraði ekki mark fyrir N-Lübbecke þegar liðið vann Dessau-Roßlauer HV 06, 32:28, Dessau. 
  • Hannes Jón Jónsson og lærisveinar hans í Alpla Hard féllu í gær úr leik í átta liða úrslitum um austurríska meistaratitilinn þegar þeir töpuðu öðru sinni fyrir Linz, 22:18. Auk Linz eru Krems, West Wien og Aon Fivers í undanúrslitum. 
  • Rui Silva tryggði Porto sigur á Sporting í uppgjöri tveggja efstu liða portúgölsku 1. deildarinnar í handknattleik í gærkvöld á heimavelli. Þar með er Porto stigi fyrir ofan Sporting og færðist skrefi nær fimmta meistaratitlinum í röð. 
  • Vardar varð bikarmeistari karla í Norður Makedóníu í gær. Vardar vann Pelister með eins marks mun, 26:25, í úrslitaleik. Vart þarf að taka fram að upp úr sauð eftir leikinn þegar þjálfari Vardar ögraði stuðningsmönnum sem svöruðu með því að kasta vatnsflösku að þjálfaranum. 

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -