- Auglýsing -

Molakaffi: Bjarni, Sigvaldi, Janus, Aðalsteinn, Odden, Axel, Hannes, Lovísa, Steinunn

Bjarni Ófeigur Valdimarsson leikmaður Skövde t.v. Mynd/Aðsend
  • Bjarni Ófeigur Valdimarsson fór hamförum og skoraði 11 mörk þegar Skövde vann Önnereds, 35:31, á heimvelli í síðari leik liðanna í 16-liða úrslitum sænsku bikarkeppninnar í gærkvöld. Skövde komst þar með áfram í átta liða úrslit en jafntefli varð í fyrri viðureign liðanna. 
  • Sigvaldi Björn Guðjónsson skoraði tvö mörk, þar af annað úr vítakasti þegar Koslstad vann stórsigur á Bækkelaget, 38:20, í annarri umferð norsku úrvalsdeildarinnar í gær. Janus Daði Smárason skoraði eitt mark. Kolstad hefur unnið tvo fyrstu leiki sína í deildinni. 

  • Aðalsteinn Eyjólfsson og hans menn í Kadetten Schaffhausen hafa fullt hús stiga eftir þrjár umferðir í svissnesku A-deildinni. Kadetten vann Wacker Thun á heimavelli í gær, 32:30. 
  • BSV Sachsen Zwickau steinlá fyrir Þýskalandsmeisturum Bietigheim, 36:15, á heimavelli í fyrstu umferð þýsku 1. deildarinnar í handknattleik í gærkvöld. Díana Dögg Magnússon lék ekki með Zwickauliðinu vegna meiðsla. Sara Odden fyrrverandi leikmaður Hauka, sem gekk til liðs við Zwickau í sumar, tókst ekki að skora. Henni var tvisvar sinnum vikið af leikvelli í tvær mínútur. 
  • Storhamar, liðið sem Axel Stefánsson þjálfar, tapaði í gær á heimavell fyrir Molde í annarri umferð norsku úrvalsdeildinni í handknattleik, 36:33. 
  • Hannes Jón Jónsson stýrði sínum mönnum í Alpla Hard til sigurs í fyrsta leik þeirra í austurrísku 1. deildinni í handknattleik í gærkvöld. Alpla Hard vann Ferlach, 26:21, á heimavelli. 

  • Lovísa Thompson skoraði ekki mark þegar lið hennar Ringkøbing tapaði á heimavelli fyrir Horsens í hörkuleik, 30:29. Sigurmarkið var skoraði á síðustu sekúndur. Þetta var þriðja tap Ringkøbing í þremur fyrstu umferðum dönsku úrvalsdeildarinnar. 
  • Steinunn Hansdóttir skoraði heldur ekki fyrir Skanderborg Håndbold þegar liðið tapaði með 12 marka mun fyrir ríkjandi meisturum Odense Håndbold á heimavelli, 31:19. Skanderborg er með eitt stig eftir þrjá leiki.
- Auglýsing -
- Auglýsing -

Nýjustu fréttir

- Auglýsing -