- Auglýsing -
- Brynjólfur Snær Brynjólfsson, hægri hornamaður Hauka, meiddist á ökkla snemma leiks gegn Val í fyrri úrslitaleik liðanna um Íslandsmeistaratitilinn í gærkvöld. Hann kom ekkert meira við sögu og óvissa ríkir um þátttöku hans í síðari viðureigninni á föstudaginn. Alexander Örn Júlíusson fékk tveggja mínútna brottvísun í kjölfarið en hann virtist stíga inn í hlaupaleiðina hjá Brynjólfi.
- Atli Már Báruson, leikmaður Hauka, fékk högg á annað hnéið þegar um tíu mínútur voru til leiksloka og varð að fara af leikvelli. Hann kom þó aftur til leiks á lokamínútunum og hlaut þá byltu og virtist kenna til í baki á eftir.
- Arnór Snær Óskarsson, önnur örvhenta skytta Vals, hlaut talsvert högg á andlitið frá Þráni Orra Jónssyni, leikmanni Hauka, í síðari hálfleik í úrslitaleiknum í Orgiohöllinni í gær. Þráinn Orri mátti teljast góður með að sleppa við rauða spjaldið þótt vissulega hafi atvikið alls ekki verið viljandi.
- Stefán Rafn Sigurmannsson lék ekki með Haukum í gærkvöld vegna meiðsla eins og handbolti.is hafði sagt frá fyrir leikinn í gær samkvæmt heimildum. Spurningin er nú sú hvort hann reyni að taka þátt í síðari leiknum sem fram fer í Schenkerhöllinni á Ásvöllum á föstudagskvöldið.
- Tveir leikmenn Hauka voru leikmenn Vals síðast þegar félagið varð Íslandsmeistari í handknattleik karla, fyrir fjórum árum. Þetta eru Atli Már Báruson og Ólafur Ægir Ólafsson. Geir Guðmundsson lék einnig með Val um árabil áður en hann fór út til Frakklands fyrir fimm árum. Geir flutti heim á síðasta ári. Sem kunnugt er þá fer Björgvin Páll Gústavsson markvörður Hauka yfir í raðir Valsmanna í sumar.
- Alberto Entrerrios, þjálfari Nantes, var í gær útnefndur þjálfari ársins í frönsku 1. deildinni í handknattleik. Mikivægasti leikmaðurinn var valinn Hollendingurinn Luc Steins sem kom til PSG í nóvember og fór á kostum með liðinu.
- Spænski handknattleiksmaðurinn Imanol Garciandia samdi í gær við ungversku meistarana í Pick Szeged. Garciandia hefur leikið með PAUC í Frakklandi og var helsti keppinautur landsliðsmannsins Kristjáns Arnar Kristjánssonar um skyttustöðuna hægra megin.
- Rússneski landsliðsmarkvörðurinn Oleg Grams hefur samið við Chekhovskie Medvedi á nýjan leik eftir fjögurra ára veru hjá Dunkerque í Frakklandi.
- Perla Rut skoraði eitt snotrasta markið – myndskeið
- Evrópukvöld á Hlíðarenda eru mjög skemmtileg
- Olís kvenna: Staðfestir leiktímar í undanúrslitum
- Molakaffi: Óðinn, Axel, Elías, Dagur, Sigvaldi, Róbert
- Hákon Daði verður hjá Hagen næstu þrjú ár
- Auglýsing -
