- Auglýsing -
- Kristján Örn Kristjánsson, Donni, skoraði sex mörk þar á meðal jöfnunarmarkið, 32:32, þegar lið hans PAUC gerði jafntefli við Nimes í æfingaleik í Frakklandi í fyrradag. Donni er óðum að sækja í sig veðrið eftir að hafa veikst illa af kórónuveirunni síðla vetrar og lagt talsvert af á meðan á veikindunum stóð. Auk markanna sex átti Donni þrjár stoðsendingar, fiskaði eitt vítakast en tapaði boltanum þrisvar sinnum í leiknum.
- Matthías Bernhöj Daðason verður ekki með Fram á næsta keppnistímabili. Frá þessu er greint heimasíðu félagsins. Þar kemur ekki fram hvort Matthías sé hættur í handbolta eða ekki. Hann hefur var ein öruggasta vítaskytta Olísdeildarinnar á síðasta keppnistímabil. Matthías lék með Fram um árabil en lék einnig um skeið í Danmörku.
- Norski handknattleiksmaðurinn Espen Lie Hansen greindi óvænt frá því í gærmorgun að hann hafi ákveðið að hætta í handknattleik og það nú þegar. Hansen er 32 ára gamall og hefur undanfarin tvö ár leikið með Drammen. Hann lék víða utan heimalandsins m.a. hjá Bjerringbro-Silkeborg, Dunkerque, Nantes og Magdeburg. Hansen var í silfurliði Noregs á HM 2017 og 2017 en alls á hann 159 landsleiki að baki.
- Sænski landsliðsmaðurinn, Jonathan Carlsbogård, hjá þýska bikarmeistaraliðinu Lemgo er sagður undir smásjá forráðamanna Rhein-Neckar Löwen samkvæmt fréttum Mannheimer Morgen í gær.
- Auglýsing -
