- Auglýsing -
- Eva Gísladóttir hefur framlengt samninginn sinn við handknattleiksdeild FH. Eva, sem er á 18. aldursári, er uppalin hjá FH og getur bæði spilað sem hægri skytta og hægri hornamaður.
- Birna Dís Sigurðardóttir hefur skrifað undir nýjan samning við ÍBV út tímabilið 2027. Birna Dís hefur leikið allan sinn feril með ÍBV en hún er ein af yngri leikmönnum félagsins sem komið hefur inn í stærra hlutverk í meistaraflokki á síðustu árum.
- Gunnar Róbertsson hefur skrifað undir samning við handknattleiksdeild Vals sem gildir fram á sumarið 2027. Gunnar, sem verður 17 ára á árinu, er mjög efnilegur leikmaður sem leikur sem miðjumaður. Hann hefur leikið 13 leiki á tímabilinu með meistaraflokki og skorað í þeim 11 mörk.
- Segja má um Gunnar að eplið fjalli sjaldan langt frá eikinni. Hann er sonur Róberts Gunnarssonar fyrrverandi landsliðsliðsmanns og atvinnumanns í handknattleik í Danmörku, Frakklandi og Þýskalandi.
- Auglýsing -
