- Auglýsing -
- Frönsku dómararnir Karim og Raouf Gasmi dæma viðureign Vals og FTC í 1. umferð Evrópudeildarinnar í handknattleik karla í Origohöllinni í kvöld. Þeir eru ekki að dæma hér á landi í fyrsta sinn. Bræðurnir dæmdu viðureign Íslands og Austurríkis í umspili HM á Ásvöllum í apríl. Gasmibræður eru þrautreyndir dómarar og dæmdu m.a. bronsleikinn í Meistaradeild Evrópu í karlaflokki í vor á milli Veszprém og Kiel í Lanxess Arena í Köln.
- Forseti Íslands, Guðni Th. Jóhannsson, verður heiðursgestur Vals á leiknum við FTC í Evrópudeildinni í kvöld. Leikurinn hefst klukkan 18.45 í Origohöllinni.
- Egill Már Hjartarson skoraði fimm mörk og Victor Máni Matthíasson þrjú þegar lið þeirra StÍF vann H71 2, 36:28, í fyrstu umferð færeysku bikarkeppninnar á sunnudagskvöld. Leikurinn fór fram í Höllinni á Skála. StÍF var fimm mörkum yfir eftir fyrri hálfleik, 17:12.
- Jakob Lárusson fagnaði sigri með kvennaliði Kyndils á EB, 33:22, í Høllin við Streymin, heimavelli EB á föstudagskvöld í 1. umferð bikarkeppninnar í kvennaflokki. Kristinn Guðmundsson er þjálfari EB-liðsins.
- Sænski landsliðsmaðurinn Oscar Bergendahl verður frá keppni í sex til átta vikur hið minnsta eftir að hafa meiðst á hné í leik með Stuttgart í þýsku 1. deildinni í handknattleik á sunnudaginn
- Norska stórstjarnan Henny Reistad hefur framlengt samning sinn við danska handknattleiksliðið Esbjerg fram til ársins 2025.
- Hinn gamalreyndi danski landsliðsmaður Kasper Søndergaard er ekki af baki dottinn. Hann hefur framlengt samning sinn við úrvalsdeildarliðið Skjern til tveggja ára, til loka leiktíðarinnar 2024. Søndergaard hefur leikið með Skjern í 11 ár og á að baki nærri 500 leiki með félaginu sem leikmaður og aðstoðarþjálfari.
- Auglýsing -
