- Auglýsing -
- Auglýsing -
- Auglýsing -

Molakaffi: Guðrún Erla, Jacobsen, Onesta, Nedeff, óánægja, of seint, Hansen

Mynd/Hafliði Breiðfjörð
- Auglýsing -
  • Guðrún Erla Bjarnadóttir hefur skrifað undir nýjan samning um að leika áfram með Fjölni/Fylki í Grill 66-deildinni. Guðrún Erla kom til félagsins á síðasta sumri frá HK. Hún er markahæsti leikmaður Fjölnis/Fylkis á leiktíðinni með 73 mörk í 10 leikjum. 
  • Nikolaj Jacobsen landsliðsþjálfari Dana í handknattleik karla hefur jafnað metin við Frakkann Claude Onesta sem stýrði franska landsliðinu þrisvar til sigurs á heimsmeistaramótum, 2009, 2011 og 2105. 
  • Rúmeninn Niculae Nedeff er eini landsliðsþjálfarinn sem stýrt hefur landsliði fjórum sinnum til sigurs á heimsmeistaramóti. Nedeff var þjálfari rúmenska karlalandsliðsins þegar það varð heimsmeistari 1961, 1964, 1970 og 1974. Nedeff lét ekki þar við sitja heldur varð rúmenska kvennalandsliðið þrisvar sinnum heimsmeistari undir hans stjórn, 1956, 1960 og 1962.
  • Per Bertelsen formaður mótanefndar og stjórnarmaður hjá Alþjóða handknattleikssambandsins, IHF, segir að þegar hafi verið fundað vegna þeirrar óánægju sem ríkti með leikjaskipulag heimsmeistaramótsins. Hann heitir því að menn hafi lært af reynslunni og að betra skipulag verði á HM karla eftir tvö ár sem fram á að fara í Danmörku, Króatíu og Noregi. Tekið verði tillit til áhorfenda og að lið þurfi ekki að ferðast og nýta eina frídaginn á milli undanúrslita og úrslita í ferðalag eins og danska landsliðið þurfti að gera að þessu sinni. 
  • Nærri hálfri milljón færri Danir fylgdist með útsendingu frá úrslitaleik Dana og Frakka á sunnudagskvöldið en frá úrslitaleik Dana og Svía á HM 2021. Ein helsta ástæðan fyrir færri áhorfendum núna er talin vera útsendingatíminn. Árið 2021 hófst útsending frá úrslitaleiknum klukkan 17.30 að dönskum tíma en á síðasta sunnudag var ekki flautað til leiks fyrr en kl. 21.
  • Danski landsliðsmaðurinn Mikkel Hansen meiddist a hné í undanúrslitaleik Dana og Spánverja á föstudaginn á heimsmeistaramótinu. Meiðslunum var haldið leyndum fram yfir úrslitaleikinn á sunnudagskvöld. Hansen lék með í fyrri hálfleik í úrslitaleiknum en var aðeins svipur hjá sjón. Í síðari hálfleik kom hann aðeins einu sinni inn á leikvöllinn til þess að taka eina vítakastið sem danska landsliðið fékk í úrslitaleiknum. 
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -