- Auglýsing -
- Gyða Kristín Ásgeirsdóttir hefur skrifað undir nýjan tveggja ára samning við handknattleiksdeild FH. Gyða Kristín er örvhentur hornamaður sem hefur átt sæti í yngri landsliðunum.
- Sara Kristín Pedersen hefur skrifað undir nýjan samning við Fjölni. Hún er uppalin í Fjölni og hefur átt sæti í yngri landsliðunum. Sara Kristín er leikstjórnandi.
- Dagur Árni Heimisson hefur skrifað undir nýjan tveggja ára samning við handknattleiksdeild KA og er nú samningsbundinn út tímabilið 2024-2025. Dagur Árni sem er enn aðeins 16 ára gamall spilaði stórt hlutverk í meistaraflokksliði KA á nýliðnum vetri og er einn af efnilegustu leikmönnum landsins og á m.a. sæti í U17 ára landsliðinu sem tekur þátt í Opna Evrópumótinu í byrjun júlí og í Ólympíudögum Evrópuæskunnar í lok sama mánaðar.
- Aron Daði Stefánsson hefur skrifað undir sinn fyrsta meistaraflokkssamning við handknattleiksdeild KA. Aron Daði sem er 16 ára gamall kemur upp úr yngri flokkum félagsins. Hann stóð í ströngu í vetur sem leið en hann lék bæði með 3. og 4. flokk KA auk ungmennaliðs KA í Grill66 deildinni.
- Auglýsing -
