- Auglýsing -

Molakaffi: Hákon, Björgvin, Elín, Steinunn, Axel, Vori

Hákon Daði Styrmisson í vörn í leiknum við Grænhöfðaeyjar í gær. Mynd/EPA
  • Hákon Daði Styrmisson bættist í hóp íslenskra handknattleiksmanna sem skorað hefur fyrir landsliðið á heimsmeistaramóti. Hann er sá 119. sem skorar mark fyrir Ísland á HM. Um leið var 3438. markið sem íslenska landsliðið skorar í 136 leikjum frá því að Gunnlaugur Hjálmarsson skoraði fyrsta mark Íslands á HM fyrir 65 árum í Hermann Giesler Halle í Magdeburg í leik við Tékkóslóvaka.
  • Markvörðurinn Björgvin Páll Gústavsson skoraði tvö mörk í 250. landsleik sínum í gær. Þar með hefur hann skorað 10 mörk í 44 leikjum á heimsmeistaramóti. Alls er mörk Björgvins Páls fyrir landsliðið 21. 
  • Elín Jóna Þorsteinsdóttir landsliðsmarkvörður átti fína leik þótt það hafi ekki dugað liði hennar, Ringkøbing Håndbold, á heimavelli gegn þegar liðið tapaði fyrir Nykøbing Falster  Håndbold, 33:28. Elín Jóna varði 13 skot, 31%. Ringkøbing Håndbold er í 10. sæti dönsku úrvalsdeildarinnar af 14 liðum með sjö stig eftir 14 leiki. 
  • Steinunn Hansdóttir skoraði ekki mark fyrir Skanderborg Håndbold í tveggja marka tapi á heimavelli, 25:23, í dönsku úrvalsdeildinni í handknattleik í gærkvöld. Steinunn átti eina stoðsendingu. Skanderborg er í 13. sæti með þrjú stig eftir 14 leiki. 
  • Storhamar, liðið sem Axel Stefánsson þjálfar við annan mann, vann Byåsen, 30:27, á heimavelli í norsku úrvalsdeildinni í kvennaflokki í gær. Storhamar er í öðru sæti deildarinnar með 18 stig eftir 12 leik, sex stigum á eftir Vipers Kristiansand
  • Króatinn Igor Vori hefur verið leystur frá störfum sem þjálfari þýska 2. deildarliðsins TV Großwallstadt að eigin ósk. Vori tók við þjálfun TV Großwallstadt á síðasta sumri. Forsvarsmaður félagsins sagði beiðni Vori hafa komið sér og öðrum í opna skjöldu en ekki hafi verið til neins að halda þjálfaranum gegn vilja sínum. Ekki er ljóst hver tekur við þjálfun TV Großwallstadt sem situr í 11. sæti af 20 liðum 2. deildar þegar keppni er hálfnuð. Leit stendur yfir að eftirmanni Vori.
- Auglýsing -
- Auglýsing -

Nýjustu fréttir

- Auglýsing -