- Auglýsing -
- Hannes Jón Jónsson og lærisveinar hans í Alpla Hard unnu Linz með átta marka mun, 28:20, á heimavelli í fyrstu viðureign liðanna í undanúrslitum um austurríska meistaratitilinn í handknattleik karla í gær. Alpla Hard er ríkjandi meistari í Austurríki.
- Arnór Þór Gunnarsson skoraði fimm mörk fyrir Bergischer HC þegar liðið tapaði á heimavelli fyrir GWD Minden, 26:25. Með sigrinum færðist Mindenliðið upp úr 17. og næst neðsta sæti og upp í það sextánda þegar fjórar umferðir eru eftir. Liðin sem hafna í 17. og 18. sæti falla úr deildinni. Balingen, sem Daníel Þór Ingason, leikur með er fallið niður í 17. sæti. Lübbecke rekur lestina sem fyrr en á tvo leiki inni á næstu tvö lið fyrir ofan.
- Fullyrt er í sænska dagblaðinu Aftonbladet að pólska meistaraliðið Łomza Vive Kielce sé á höttunum á eftir Svíanum Jim Gottfridsson. Ætli forráðamenn pólska liðsins að klófesta kappann sumarið 2023. Þeir eru sagðir hafa boðið Gottfridsson um helmingshækkun launa á mánuði, úr 19.000 evrum á mánuði upp í 28.000 sem jafngildir nærri fjórum milljónum.
- Þýski landsliðsmaðurinn Sebastian Heymann sleit krossband í leik með Göppingen gegn HSV Hamburg á dögunum. Heymann, sem er 24 ára gamall, hefur verið í óheppinn með meiðsli á stuttum ferli.
- Nýkrýndir Þýskalandsmeistarar í handknattleik kvenna, Bietigheim, leikur við Viborg í úrslitum Evrópudeildar kvenna í handknattleik í dag. Bietigheim vann Herning-Ikast í hörkuleik í gær, 34:33, í undanúrslitum í Viborg á Jótlandi. Í hinum leik undanúrslitanna í gær vann Viborg rúmenska liðið Baia Mare, 28:24, í hinni viðureign undanúrslitanna.
- Auglýsing -
