- Auglýsing -

Molakaffi: Harpa Rut, Sunna Guðrún, Elías Már, Volda, Jakob

Mynd/Egill Bjarni Friðjónsson
  • Harpa Rut Jónsdóttir skoraði eitt mark fyrir GC Amicitia Zürich í eins marks tapi fyrir HV Herzogenbuchsee, 29:28, á heimavelli í svissnesku A-deildinni í handknattleik kvenna í gær, 29:28. Sunna Guðrún Pétursdóttir stóð í marki GC Amicitia Zürich á tímabili en náði ekki að verja skot. Herzogenbuchsee hafði sætaskipti við GC Amicitia Zürich með þessum sigri og fór upp í 5. sæti deildarinnar en GC Amicitia Zürich féll niður í það sjötta einu stigi á eftir. 
  • Fredrikstad Bkl., sem leikur undir stjórn Elíasar Más Halldórssonar vann í gær annan leikinn í röð á árinu þegar liðið lagði Íslendingaliðið Volda, 25:24, á heimavelli. Volda, sem er nýliði í deildinni, var tveimur mörkum yfir, 14:12, eftir fyrri hálfleik. Alexandra Líf Arnarsdóttir var í leikmannhópi Fredrikstad í leiknum. Liðið situr í sjötta sæti af 12 með 12 stig eftir 12 leiki.
  • Dana Björg Guðmundsdóttir skoraði fjögur mörk fyrir Volda en Rakel Sara Elvarsdóttir og Katrín Tinna Jensdóttir náðu ekki að skora. Halldór Stefán Haraldsson er þjálfari Volda. 
  • Kyndill, undir stjórn Jakobs Lárussonar, vann stórsigur á StÍF í færeysku úrvalsdeild kvenna í handknattleik í gær, 38:20. Leikið var í Høllinni á Skála. Kyndill var átta mörkum yfir að loknum fyrri hálfleik, 19:11. Eins og stundum áður var Turið Arge Samuelsen, fyrrverandi leikmaður Hauka, markahæst hjá Kyndli. Hún skoraði 14 mörk. Kyndill er í þriðja sæti deildarinnar með 19 stig eftir 13 leiki er stigi á eftir Neistanum og fjórum stigum frá H71 sem trónir á toppnum.
- Auglýsing -
- Auglýsing -

Nýjustu fréttir

- Auglýsing -