- Auglýsing -
- Haukur Þrastarson lék góða stund með pólska meistaraliðinu Vive Kielce í gær þegar liðið vann Füchse Berlin, 27:21, á æfingamóti í Moskvu. Haukur skoraði að minnsta kosti tvö mörk í leiknum.
- Austurríska stórskyttan Nikola Bilyk lék í gær sinn fyrsta leik með Kiel í 364 daga þegar hann kom við sögu í æfingaleik þýska meistaraliðsins. Bilyk sleit krossband í hné og virðist hafa fengið góðan bata.
- Orri Freyr Þorkelsson og samherjar í norska meistaraliðinu Elverum töpuðu í gær fyrir ungversku meisturunum í Pick Szeged, 29:24, í æfingaleik í Ungverjalandi. Orri Freyr skoraði ekki mark í leiknum.
- Sænski handknattleiksmaðurinn Philipp Henningsson, sem var í silfurliði Svía á EM 2018 í Króatíu, rifti samningi sínum við Wetzlar á dögunum eftir eins árs veru. Henningsson var gripinn óyndi í dvölinni í Þýskalandi og vildi gjarnan komast heim til Svíþjóðar. Hann hefur náð samkomulagi um að leika með Kristianstad. Henningsson þekkir vel til í herbúðum félagsins eftir að hafa verið þar frá 2015 til 2020.
- Auglýsing -
