- Auglýsing -
- Jakob Lárusson og liðsmenn Kyndils unnu Stjørnuna, 28:24, í fyrri undanúrslitaleik liðanna í færeysku bikarkeppninni í kvennaflokki í gærkvöld. Síðari leikur liðanna verður á laugardaginn. Jakob er þjálfari Kyndils.
- Sigvaldi Björn Guðjónsson skoraði sex mörk, þar af þrjú úr vítaköstum og Janus Daði Smárason skoraði þrisvar í öruggum sigri liðs þeirra, Kolstad, á Sandnes, 35:21, í norsku úrvalsdeildinni í handknattleik í gær. Kolstad er efst með 32 stig eftir 16 leiki, er sex stigum á undan Elverum sem er í öðru sæti.
- Hafþór Már Vignisson skoraði tvisvar fyrir ØIF Arendal í fjögurra marka tapi á heimavelli fyrir Nærbø, 28:24. Bæði lið eiga sæti í norsku úrvalsdeildinni. Arendal er í sjöunda sæti.
- Fredrikstad Bkl., sem Elías Már Halldórsson þjálfar í úrvalsdeild kvenna í Noregi, tapaði fyrir Molde, 37:30, á útivelli. Alexandra Líf Arnarsdóttir var í leikmannahópi Fredrikstad Bkl. en skoraði ekki marki. Fredrikstad Bkl. er í sjöunda sæti.
- Storhamar, sem er í öðru sæti úrvalsdeildar kvenna í Noregi, tapaði óvænt á útivelli fyrir Fana, 30:27. Axel Stefánsson er annar þjálfara Storhamar.
- Danski landsliðsmaðurinn Hans Lindberg varð í fyrrakvöld fimmti handknattleikskarlinn til þess að skora 1000 mörk Evrópukeppni félagsliða. Lindberg skoraði fjögur mörk fyrir Füchse Berlin í átta marka sigri á Bidasoa Irun, 40:32. Kiril Lazarov er markahæstur með 1.521 mark. Næstur er Nikola Karabatić með 1.174. Þar á eftir er Timur Dibirov emð 1.103 og Síðan er röðin komin að Momir Ilic með 1.033. Lindberg hefur skoraði 1.000 mörk og má búast við að þeim fjölgi þar sem Berlínarliðið er líklegt til þess að fara alla leið í úrslit í Evrópudeildinni í vor.
- Nikola Karabatic leikur ekki handknattleik næstu þrjá mánuði vegna meiðsla. Félag hans, Paris Saint-Germain, greindi frá þessu í tilkynningu í gær.
Fréttin hefur verið uppfærð.
- Auglýsing -
