- Auglýsing -

Molakaffi: Kristiansen framlengir, Hansen komin á stjá, Loerper hættir

Norska landsliðskonan Veronica E. Kristiansen fyrir miðri mynd hefur framlengt samning sinn við ungverska meistaraliðið Györi. Mynd/EPA
  • Norska handknattleikskonan Veronica Kristiansen hefur framlengt samning sinn við ungverska stórliðið Györi til tveggja ára. Kristiansen hefur verið í herbúðum liðsins í hálft þriðja ár og leikið stórt hlutverk og var í liðinu sem varð ungverskur meistari, bikarmeistari og sigurvegari í Meistaradeild kvenna vorið 2019.
  • Fleiri góðar fréttir úr herbúðum ungverska liðsins eru þær að Anne Mette Hansen hefur æfingar af krafti eftir að hafa jafnað sig af meiðslum í hné. Það kemur sér einnig vel fyrir danska landsliðið sem tekur þátt í EM sem hefst upp úr næstu mánaðarmótum. Hansen leikur alla jafna stórt hlutverki í danska landsliðinu. 
  • Anna Loerper, sem lék lengi með þýska landsliðinu í handknattleik, hefur ákveðið að hætta keppni næsta vor. Loerper, sem er 35 ára gömul, leikur nú með Bietigheim í heimalandi sínu. Hún á baki 246 landsleiki og mörkin fyrir landsliðið eru 428. Loerper var í bronsliði Þjóðverja á EM 2006 og 2008 og bronsliði HM 2007. Hún var einnig samherji Rutar Arnfjörð Jónsdóttur og Þóreyjar Rósu Stefánsdóttur hjá Team Tvis Holstebro þegar liðið vann EHF-bikarinn vorið 2013 og silfur í dönsku úrvalsdeildinni sama ár.

- Auglýsing -
- Auglýsing -

Nýjustu fréttir

- Auglýsing -