- Auglýsing -
- Lilja Ágústsdóttir er fjórða á lista yfir markahæstu leikmenn B-hluta Evrópumótsins í handknattleik kvenna 17 ára og yngri í Litáen. Lilja hefur skoraði 25 mörk og er fjórum mörkum á eftir Irmak Akbingol frá Tyrklandi sem er markahæst. Elín Klara Þorkelsdóttir er næst á lista af leikmönnum íslenska liðsins í mótinu. Hún hefur skorað 16 mörk.
- Lilja og Elín Klara verða í eldlínunni með stöllum sínum í U17 ára landsliðinu í undanúrslitum B-deildar Evrópumótsins í dag þegar íslenska liðið mætir því spænska. Viðureignin hefst klukkn 14.30 og verður hægt að fylgjast með henni á ehftv.com án endurgjalds.
- Sigrún Jóhannsdóttir hefur framlengt samning sinn við handknattleiksdeild FH en liðið leikur í Grill66-deildinni á næstu leiktíð. FH vann Fjölni/Fylki 24:19, á UMSK-mótinu í gærkvöld. Emilía Ósk Steinarsdóttir skoraði 10 mörk fyrir Hafnarfjarðarliðið.
- Ómar Ingi Magnússon skoraði átta mörk fyrir SC Magdeburg í gær þegar liðið tapaði fyrir Viktori Gísla Hallgrímssyni og samherjum í GOG í æfingaleik á móti í Middelfart í Jótlandi. Gísli Þorgeir Kristjánsson er ekki byrjaður að leik með SC Magdeburg. Á heimasíðu GOG segir að Viktor Gísli hafi staðið sig vel en ekkert er minnst á fjölda varinna skota.
- Hákon Daði Styrmisson skoraði fimm mörk fyrir Gummersbach þegar liðið gerði jafntefli við franska 1. deildarliðið Dunkerque, 25:25, í æfinga leik í fyrradag.
- Danski landsliðsmaðurinn Rasmus Lauge er byrjaður að æfa í sal með ungverska stórliðinu Veszprém átta mánuðum eftir að hann sleit krossband í viðureign Veszprém og Kiel í Meistaradeild Evrópu. Ungverska liðið greinir frá þessu á heimasíðu sínni. Þar kemur einnig fram að óvíst sé enn hvenær Lauge tekur þátt í leik með liðinu.
- Auglýsing -
