- Auglýsing -
- Magnús Dagur Jónatansson hefur skrifað undir nýjan tveggja ára samning við handknattleiksdeild KA. Magnús Dagur er upprennandi handknattleiksmaður sem á eftir að gera sig meira gildandi með KA-liðinu þegar fram líða stundir.
- Ísak Óli Eggertsson hefur skrifað undir nýjan tveggja ára samning við handknattleiksdeild KA og er nú samningsbundinn út tímabilið 2024-2025. Ísak Óli er 18 ára gamall.
- Thelma Dögg Einarsdóttir hefur skrifað undir tveggja ára samning við handknattleiksdeild FH. Thelma Dögg, sem er á 21. aldursári, leikur í stöðu skyttu. Hún kom að láni frá Stjörnunni á tímabilinu en skiptir alveg yfir í FH í sumar.
- Níu leikir fara fram í dag í næst síðustu umferð undankeppni Evrópumóts karla í handknattleik. Meðal leikja er viðureign Færeyinga og Úkraínumanna í Þórshöfn. Lið þjóðanna eru að kljást um þriðja sæti riðilsins sem getur gefið þátttökurétt á lokakeppni EM sem fram fer í Þýskalandi í janúar. Fyrir löngu er uppselt á leikinn sem fram fer í Höllinni á Hálsi sem rúmar innan við 1.000 áhorfendur.
- Íslenska landsliðið leikur við Ísrael í Tel Aviv á morgun og sömu sögu er að segja af hinni viðureign riðilsins þegar Eistlendingar og Tékkar mætast í Tallin.
- Nicolej Krickau þjálfari danska meistaraliðsins GOG hefur verið orðaður við starf þjálfara eða aðstoðarþjálfara íslenska landsliðsins. Einnig er hann um þessar mundir orðaður við þýska liðið Flensburg en forráðamenn félagsins leita að eftirmanni Maik Machulla sem var gert að taka hatt sinn og staf á mánudaginn.
- Auglýsing -
