- Auglýsing -
- Margrét Theodórsdóttir, Hans Liljendal Karlsson, Halldór Torfi Pedersen og Róbert Líndal Runólfsson voru sæmd silfurmerki Fjölnis á uppskeruhátið félagsins á dögunum. Öll hafa þau unnið óeigingjarnt sjálfboðaliðastarf fyrir handknattleiksdeild Fjölnis á síðustu árum.
- Norska landsliðskonan Vilde Mortensen Ingstad hefur samið við CSM Búkaresti frá og með miðju næsta ári. Hún kveður þar með með Team Esbjerg eftir sjö ár í herbúðum liðsins.
- Spænski handknattleiksmarkvörðurinn Sergey Hernández er sagður vera á leiðinni til þýsku meistaranna SC Magdeburg í staðinn fyrir Danann Mike Jensen. Hernández er á sínu þriðja keppnistímabili með Benfica í Portúgal. Hann var með spænska B-landsliðinu sem vann handknattleikskeppni Miðjarðarhafsleikana í sumar. Hernández, sem er 27 ára gamall, lék leikmenn Magdeburg grátt í úrslitaleik Evrópudeildarinnar í vor.
- Kamil Syprzak, markahæsti leikmaður Meistaradeildar karla í handknattleik, leikur ekki með pólska landsliðinu á heimsmeistaramótinu í næsta mánuði. Syprzak meiddist í viðureign PSG og Magdeburg í Meistaradeildinni í síðustu viku. Syprzak segir það vera ólýsanleg vonbrigði að missa af HM á heimavelli enda hafi hann verið í leikformi lífs síns þegar hann meiddist.
- Auglýsing -
