- Auglýsing -
- Auglýsing -
- Auglýsing -
- Auglýsing -

Molakaffi: PSG meistari, Karabatic, Viktor Gísli, Grétar Ari, Sólveig Ása, Óskar

Adama Keita og Dainis Kristopans leikmenn PSG . Mynd/EPA
- Auglýsing -

  • PSG varð í gærkvöld franskur meistari í handknattleik karla eftir að hafa lagt Viktor Gísla Hallgrímsson og samherja í Nantes, 35:32, í hörkuleik í París. Fyrir síðustu umferð deildarinnar hefur PSG fjögurra stiga forystu í efsta sæti deildarinnar. Nantes er í öðru sæti og Montpellier situr í þriðja sæti. Montpellier á að vísu tvo leiki eftir en getur ekki skákað PSG. 
  • Nikola Karabatic leikmaður PSG hefur þar með unnið 21 meistaratitil á 22 ára atvinnumannaferli, þar af 15 í Frakklandi.
  • Viktor Gísli Hallgrímsson var að vanda í marki Nantes hluta leiksins en því miður getur reynst afar torsótt að finna tölfræði úr mörgum leikjum í franska handknattleiknum. Það á m.a. við um leik PSG og Nantes. 
  • Grétar Ari Guðjónsson og félagar í Sélestat eru fallnir í 2. deild í Frakklandi eftir eins árs veru í 1. deild. Sélestat tapaði í gærkvöld fyrir Nimes á útivelli, 31:23. Grétar Ari varði sex skot í markinu þann tíma sem hann hann stóð vaktina, eftir því sem næst verður komist. Sélestat komst óvænt upp í 1. deild fyrir ári eftir að hafa gert það gott í umspilskeppni 2. deildar. Sélestat byrjaði illa í efstu deild í haust og vetur en náði sér á strik þegar á mótið leið en þá var við ramman reip að draga enda hafði liðið þá dregist verulega aftur úr. 
  • Sólveig Ása Brynjarsdóttir hefur skrifað undir nýjan samning við handknattleikslið Fjölnis. Sólveig Ása kom á ný til liðs við Fjölni á síðustu leiktíð eftir að hafa verið um skeið á Selfossi
  • Óskar Þórarinsson skrifaði á dögunum undir nýjan tveggja ára samning við handknattleiksdeild KA og er nú samningsbundinn félaginu út tímabilið 2024-2025. Óskar, sem er 17 ára, er gríðarlega efnilegur markvörður sem er að stíga sín fyrstu skref í meistaraflokki, segir í tilkynningu sem KA birti í gær.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -