- Auglýsing -
- Ragnar Jóhannsson lék sinn 150. leik fyrir meistaraflokk Selfoss á sunnudagskvöldið þegar Selfoss lagði Hauka í 14. umferð Olísdeildar karla í Sethöllinni á Selfoss, 31:28. Ragnar mætti þá til leiks aftur eftir langa fjarveru vegna meiðsla.
- Patryk Rombel sem þjálfað hefur pólska karlalandsliðið um nokkurt skeið heldur ekki starfi sínu áfram. Pólska handknattleikssambandið tilkynnti í gær að samningur við Rombel verði ekki endurnýjaður eftir þriggja ára samstarf.
- Það voru Pólverjum talsverð vonbrigði að ná ekki að tryggja sér sæti í átta liða úrslitum á HM í síðasta mánuði, en hluti mótsins fór fram í Póllandi. Ekki liggur ljóst fyrir hver tekur við af Rombel.
- Króatíski handknattleiksmaðurinn Luka Stepančić er mættur fram á handknattleiksvöllinn eftir tveggja ára fjarveru vegna þrálátra meiðsla. Stepančić er leikmaður ungverska meistaraliðsins Pick Szeged.
- Danski landsliðsmaðurinn Buster Juul leikur ekki með Aalborg Håndbold næstu átta vikur. Hann meiddist á hné á æfingu fyrir helgina.
- Úrslitahelgi Evrópudeildar kvenna í handknattleik fer fram í Raiffeisen Sportpark í Graz í Austurríki 13. og 14. maí vor. Hálfum mánuði síðar verður leikið til úrslita í Evrópudeild karla í Flens-Arena í Flensburg.
- Claus Mogensen sem tók í haust við þjálfun tyrkneska meistaraliðsins í kvennaflokki, Kastamonu, hefur verið leystur frá störfum. Óánægja með störf hans er ástæða uppsagnarinnar
- Auglýsing -
