- Auglýsing -

Molakaffi: Reinkind, Portner, einstakur Lazarov, Herning-Ikast, SönderjyskE

Harald Reinkind fór á kostum gegn PSG í gær. Mynd/EPA
  • Harald Reinkind skoraði 10 mörk fyrir Kiel þegar liðið vann PSG, 31:29, í fyrri viðureign liðanna í 8-liða úrslitum Meistaradeildar karla í handknattleik í Kiel í gærkvöld. Dylan Hahi skoraði átta mörk fyrir PSG og Mikkel Hansen sex mörk. Liðin mætast öðru sinni í París eftir viku. 
  • PSG mun hafa landsliðsmarkvörð Sviss, Nikola Portner, í sigtinu þessa dagana. Portner er samningsbundinn Chambéry í Frakklandi fram á mitt næsta ár en þá yfirgefur Vincent Gerard Parísarliðið, eins kom fram á handbolti.is í vikunni. Thorbjörn Bergerud er einnig orðaður við PSG og hefur reyndar verið síðan í vetur. Bergerud gengur til liðs við GOG í sumar á eins árs samningi.
     
  • Kiril Lazarov leikur í dag í 17. skipti með liði í átta liða úrslitum Meistaradeildar Evrópu þegar lið hans, Nantes,  mætir Vespzém í fyrri viðureign liðanna. Leikurinn fer fram á heimavelli Nantes. 
  • Herning-Ikast vann Viborg, 35:32, í fyrri undanúrslitaleik liðanna um danska meistaratitilinn í handknattleik kvenna í gærkvöld. Liðin mætast öðru sinni á laugardaginn. 
  • SönderjyskE, sem vann Söndru Erlingsdóttur og samherja í EH Aalborg í undanúrslitum umspils dönsku B-deildarinnar í handknattleik á dögunum, náði ekki að tryggja sæti í dönsku úrvalsdeildinni. SönderjyskE tapaði í gær öðru sinni fyrir Horsens í umspilsleikjum og verður þar með áfram í B-deildinni. Horsens sleppur með skrekkinn og leikur áfram í úrvalsdeild á næsta keppnistímabili.
- Auglýsing -
- Auglýsing -

Nýjustu fréttir

- Auglýsing -