- Auglýsing -
- Sandra Erlingsdóttir var markahæst hjá EH Aalborg með sjö mörk, þar af eitt úr vítakasti, þegar lið hennar tapaði fyrir Vendsyssel, 28:22, í dönsku 1. deildinni í handknattleik í gærkvöld. Það var einkum leikur EH Aalborg í fyrri hálfleik sem kom leikmönnum í koll þegar upp var staðið. Að fyrri hálfleik loknum var Vendsyssel fimm mörkum yfir, 15:10. EH Aalborg er í sjötta sæti deildarinnar með átta stig eftir átta leiki.
- Kristinn Guðmundsson og lið hans EB frá Eiði í Færeyjum vann sinn fyrsta leik í færeysku úrvalsdeildinni í miðvikudagskvöldið á heimavelli er EB lagði VB frá Vági, 26:22.
- Barbara Lazovic ein fremsta handknattleikskona rúmenska liðsins CSM Búkarest verður frá keppni næsta hálfa árið eftir að hafa hlotið slæma byltu í viðureign CSM og Magura Cisnadiei í rúmensku deildinni á miðvikudaginn.
- Eduarda Amorim hefur ákveðið að gefa ekki oftar kost á sér í brasilíska landsliðið í handknattleik kvenna. Amorim er orðin 35 ára gömul og var lykilleikmaður í brasilíska landsliðnu þegar það varð heimsmeistari fyrir átta árum. Var hún m.a. valin mikilvægasti leikmaður mótsins.
- Auglýsing -
