- Auglýsing -

Molakaffi: Sigríður áttræð, Ásdís Þóra, Kristjana, Kristján Ottó, Elvar, Daníel, Poulsen

Mynd/Egill Bjarni Friðjónsson
  • Áttræð er í dag Sigríður Sigurðardóttir fyrirliði Norðurlandameistara Íslands í handknattleik árið 1964 og leikmaður Vals. Sigríður er fyrsta konan sem kjörin var íþróttamaður ársins árið 1964 af Samtökum íþróttafréttamanna. Handbolti.is óskar Sigríði innilega til hamingju með stórafmælið. 
  • Ásdís Þóra Ágústsdóttir skoraði ekki mark fyrir Lugi þegar liðið tapaði, 28:25, fyrir Lödde Vikings HK í sænsku bikarkeppninni í gær. Leikið var á heimavelli Víkinganna sem byrjuðu með sex mörk í forgjöf. Þetta var fyrsti leikur liðanna sem eru í 5. riðli  bikarkeppninnar með Heid og Ystad.
  • Kristjana Marta Marteinsdóttir hefur skrifað undir tveggja ára samning við handknattleikslið Fjölnis/Fylkis sem leikur í Grill66-deildinni á næsta keppnistímabili. 

  • Kristján Ottó Hjálmsson skoraði níu mörk fyrir HK þegar liðið vann Hauka með eins marks mun, 30:29, í æfingaleik á Ásvöllum í gærkvöld. Ólafur Ægir Ólafsson skoraði fimm mörk fyrir Hauka og var markahæstur. 
  • Elvar Ásgeirsson skoraði sex mörk fyrir Ribe-Esbjerg sem tapaði fyrir Fredericia með tíu marka mun, 41:31, í æfingaleik í Fredericia í gær. Einar Þorsteinn Ólafsson skoraði í tvígang fyrir Fredericia. Fyrsti formlegi leikur Ribe-Esbjerg á nýju keppnistímabili verður á móti Lemvig á laugardaginn eftir viku. Auk Elvars leika Ágúst Elí Björgvinsson og Arnar Birkir Hálfdánsson með Ribe-Esbjerg. 

  • Lemvig vann norska liðið ØIF Arendal í æfingaleik í gær, 32:26. Daníel Freyr Andrésson er markvörður Lemvig. Engum sögum fer af frammistöðu hans í leiknum í gær. Færeyingurinn Vilhelm Poulsen, sem lék með Fram á síðasta og þar síðasta tímabili, skoraði fjögur mörk fyrir Lemvig-liðið í gær. ØIF Arendal lék til úrslita um norska meistaratitilinn í vor sem leið. 

- Auglýsing -
- Auglýsing -

Nýjustu fréttir

- Auglýsing -