- Auglýsing -
- Sigrún Ása Ásgrímsdóttir hefur framlengt samningnum sínum við handknattleiksdeild ÍR. Hún snéri aftur á völlinn fyrir tímabilið eftir barnsburð og hefur verið ein af burðarásum liðsins í vetur og skoraði 47 mörk í 16 leikjum í Grill 66– deildinni. Sigrún Ása verður í eldlínunni með ÍR-ingum í kvöld þegar liðið mætir Selfoss í oddaleik í úrslitum umspils Olísdeildar kvenna. Leikurinn fer fram í Sethöllinni á Selfossi og hefst klukkan 19.30.
- Norska meistaraliðið Kolstad tapaði í gær fyrir Runar, 37:36, í gær í undanúrslitum í norsku úrvalsdeildinni í handknattleik, 37:36. Framlengja varð leikinn sem fram fór í Sandefjord. Staðan er þar með jöfn í vinningum talið, 1:1. Sigvaldi Björn Guðjónsson skoraði níu mörk fyrir Kolstad, þar af tvö úr vítaköstum og varð markahæsti leikmaður liðsins. Janus Daði Smárason skoraði sex mörk, þar af tvö úr vítaköstum. Næsti leikur liðanna verður í Þrándheimi á sunnudaginn.
- Úkraínska meistaraliðið HC Motor tapaði í gær fyrir Wölfe Würzburg, 37:35 í þýsku 2. deildinni í handknattleik í gær. Roland Eradze er aðstoðarþjálfari HC Motor og Gintaras Savukynas er aðalþjálfari. Liðið leikur sem gestur í þýsku 2. deildinni og situr í 17. sæti af 20 liðum með 21 stig eftir 32 leiki. Sex umferðir eru eftir óleiknar.
- Ungverski landsliðsmaðurinn Adrian Sipos hefur samið við MT Melsungen frá og með sumrinum. Samningur hans er til tveggja ára. Sipos er nú leikmaður Telekom Veszprém. Um er að ræða línumann sem einnig er sterkur varnarmaður.
- Gábor Elek, sem hefur verið þjálfari Ferencváros (FTC) lætur af störfum í lok keppnistímabilsins eftir 15 ár hjá félaginu. Undir stjórn Elek hefur FTC m.a. tvisvar unnið ungverska meistaratitilinn og þrisvar orðið bikarmeistari. Liðið er einnig komið í undanúrslit Meistaradeildar Evrópu sem leikin verða 2. og 3. júní.
- Auglýsing -
