- Auglýsing -
- Hinn 16 ára gamli Elmar Erlingsson skoraði sitt fyrsta mark fyrir ÍBV í Olísdeildinni í viðureign Stjörnunnar og ÍBV í TM-höllinni í fyrrakvöld. Hann fiskaði einnig eitt vítakast. Elmar hefur ekki langt að sækja handknattleiksáhugann. Faðir hans er Erlingur Richardsson þjálfari ÍBV og hollenska landsliðsins og þrautreyndur handknattleiksmaður og m.a. landsliðsmaður á árum áður. Móðir Elmars er Vigdís Sigurðardóttir markvörður ÍBV og Hauka, margfaldur Íslandsmeistari í handknattleik og landsliðskona. Systir Elmars er Sandra Erlingsdóttir sem nú leikur með EH Aalborg í Danmörku.
- Hreinn Róbert Jónsson handknattleiksmaður Harðar á Ísafirði var á dögunum útnefndur íþróttamaður Bolungarvíkur fyrir árið 2020.
- Spánverjinn Iker Romero tekur við þjálfun þýska 2. deildarliðsins Bietigheim af Hannesi Jóni Jónssyni í sumar. Forráðamenn Bietigheim greindu frá þessu síðdegis í gær og að við Romero hafi verið gerður þriggja ára samningur. Romero hefur undanfarin fjögur ár verið aðstoðarþjálfari Carlos Ortega hjá Hannover-Burgdorf og mun ljúka keppnistímabilinu.
- Adam Nyfjäll, línumaður IFK Kristianstad sem þeir Ólafur Andrés Guðmundsson og Teitur Örn Einarsson leika með, hefur samið til tveggja ára við þýska liðið Wetzlar. Nyfjäll hefur verið í herbúðum Kristianstad í þrjú ár og verið einn besti leikmaður liðsins á yfirstandandi tímabili.
- Auglýsing -
