- Auglýsing -
- Leikkonan Svandís Dóra Einarsdóttir fer með hlutverk Brynju í þáttunum vinsælu Afturelding sem sýndir hafa verið á RÚV síðustu vikur og Halldór Laxness Halldórsson (Dóri DNA) voru á meðal áhorfenda og stuðningsmanna Aftureldingar í gærkvöld í oddaleiknum við Hauka í undanúrslitum Íslandsmóts karla í handknattleik að Varmá. Með þeim í för var Mosfellingurinn og leikarinn góðkunni, Steindi JR (Steinþór Hróar Steinþórsson).
- Þýska handknattleiksliðið SG Flensburg Handewitt, sem Teitur Örn Einarsson leikur með, hefur náð samkomulagi við danska meistaraliðið GOG um að kaupa þjálfarann Nicolej Krickau út í samningnum við danska liðið. Það þýðir að Krickau tekur við þjálfun Flensburg í sumar.
- Í gær sagði Vísir frá því að Snorri Steinn Guðjónsson þjálfari karlaliðs Vals komi sterklega til greina sem eftirmaður Krickau hjá GOG. Hann mun hafa rætt við forráðamenn GOG en Snorri Steinn þekkir vel til í herbúðum félagsins eftir að hafa leikið með GOG frá 2007 til 2009 og aftur frá 2012 til 2014.
- Um leið og Snorri Steinn kom inn í myndina hjá GOG setti það strik í reikning hans í samningum HSÍ en ráðning Snorra Steins í starf þjálfara íslenska karlalandsliðsins hefur legið í loftinu um nokkurt skeið. Hver veit nema að botn verði kominn í þessi mál fyrir lok dagsins.
- Færeyingurinn Allan Norðberg er sagður verða leikmaður Vals á næsta keppnistímabili í frétt Vísis í gærkvöld. Allan kvaddi KA á dögunum eftir fimm ár með liðinu. Allan er þeim kostum gæddur að geta bæði leiki með hægri hornamaður og í skyttustöðunni hægra megin.
- Auglýsing -
