- Auglýsing -
- Samkvæmt fregnum frá Portúgal þá hefur Aalborg Håndbold keyptu sænsku skyttuna Jack Thurin frá FC Porto. Thurin er örvhentur og á að leysa landa sinn Lukas Sandell af hjá danska liðinu. Sandell gekk til liðs við Veszprém í Ungverjalandi á dögunum. Forráðamenn Aalborg Håndbold hafa leitað logandi ljósi að manni í stað Sandell síðustu mánuði en hafa ekki haft erindi sem erfiði fyrr en nú.
- Þýsku handknattleiksliðin eru eitt af öðru að hefja undirbúning fyrir komandi keppnistímabil. Meðal þeirra er 2. deildarliðið VfL Lübeck-Schwartau sem kemur saman til fyrstu æfingar í dag. Þar með mætir Örn Vésteinsson Östenberg til leiks en hann gekk til liðs við félagið í sumar.
- Aðalsteinn Eyjólfsson tók við þjálfun GWD Minden um síðustu mánaðarmót. Hann hóf æfingar á mánudaginn. Aðalsteinn var bæta Serbanum Danilo Radovic í hópinn. Radovic rétthent skytta sem lék síðast með RK Spacva Vinkovci í heimalandi sínu.
- Danska úrvalsdeildarliðið Skjern var rekið með hagnaði á síðasta starfsári ellefta árið í röð. Eigið fé félagsins er um fimm milljónir danskra króna, um 100 milljónir íslenskra. Skjern hefur árum saman verið með eitt fremsta handknattleikslið Danmerkur í karlaflokki. Margir Íslendingar hafa í gegnum tíðina komið við sögu hjá félaginu, m.a. Aron Kristjánsson, Björgvin Páll Gústavsson, Tandri Már Konráðsson og Patrekur Jóhannesson svo einhverjir séu nefndir. Salgorð félagsins er: Smæsta stórlið heims.
- Auglýsing -
