- Auglýsing -
- Viktor Gísli Hallgrímsson átti stórleik í marki Nantes í gærkvöld þegar liðið vann Créteil, 34:29, á útivelli í 16-liða úrslitum frönsku bikarkeppninnar í handknattleik. Viktor Gísli varði 15 skot, þar af eitt vítakast, og var með 44% hlutfallsmarkvörslu.
- Daníel Freyr Andrésson og félagar í Lemvig unnu SønderjyskE, 23:18, á heimavelli í dönsku úrvalsdeildinni í handknattleik í gær. Þetta var þriðji sigur Lemvig í deildinni og lyfti hann liðinu upp í 12. sæti með sex stig eftir 13 leiki. Daníel Freyr sat allan leikinn á varamannabekknum.
- Sveinn Jóhannsson kom heldur lítið við sögu hjá Skjern í sigri á botnliði Midtjylland, 28:23, á heimavelli í gær. Skjern er í fimmta sæti með 18 stig eftir 13 leiki eins og Kolding og Bjerringbro/Silkeborg sem sitja í þriðja og fjórða sæti.
- Kolding vann Holstebro 24:23, í hörkuleik í Kolding. Halldór Jóhann Sigfússon er aðstoðarþjálfari Holstebro sem er í áttunda sæti með 13 stig eftir 13 leiki eins og Fredericia.
- Íslendingarnir þrír hjá Ribe-Esbjerg máttu sætta sig við tap í heimsókn til Mors-Thy, 33:25. Elvar Ásgeirsson skoraði tvö mörk fyrir Ribe-Esbjerg. Arnar Birkir Hálfdánsson skoraði ekki. Ágúst Elí Björgvinsson varði 6 skot þann tíma sem hann stóð í markinu, 24%. Ribe-Esbjerg er í sjötta sæti dönsku úrvalsdeildarinnar.
- Orri Freyr Þorkelsson skoraði eitt mark þegar lið hans, Elverum tapaði á heimavelli fyrir Bækkelaget, 38:34, í norsku úrvalsdeildinni í handknattleik í gærkvöld. Elverum er í fjórða sæti deildarinnar með 12 stig eftir 10 leiki. Bækkelaget skaust upp í þriðja sætið með sigrinum. Kolstad er efst og hefur ekki tapað stigi til þessa.
- Auglýsing -
