- Auglýsing -
- Daninn Lars Walther sem eitt sinn lék með KA hefur verið ráðinn þjálfari Eurofarm Pelister í Norður Makedóníu. Liðið hefur verið næst öflugasta lið landsins í karlaflokki á undanförnum árum og m.a. staðið sig vel í Evrópudeildinni á tveimur undangengnum keppnistímabilum. Norður Makedónía mun verða tíu landið í Evrópu sem Walther annað hvort leikur með eða þjálfar.
- Svo skemmtilega vill til að Stevce Alusovski núverandi þjálfari Þórs á Akureyri lék með Pelister um árabil og þjálfaði liðið síðar áður en hann varð þjálfari Vardar hvaðan hann kom til Þórs fyrir um ári.
- Þegar ljóst varð að ekkert yrði úr því að Sveinn Jóhannsson kæmi til þýska 1. deildarliðsins HC Erlangen í sumar var liðið ekki lengi að krækja í mann í hans stað. Í gær var tilkynnt um komu Justin Kurch. Hann er 23 ára gamall og var liðsfélagi Tuma Steins Rúnarssonar hjá HSC 2000 Coburg í þýsku 2. deildinni á nýliðnu keppnistímabili.
- Slóvenski línumaðurinn Miha Zvizej leikur með danska liðinu TTH Holstebro á næsta keppnistímabili. Slóvenski landsliðsmaðurinn hefur undanfarin ár verið í herbúðum Ribe-Esbjerg.
- Thomas Arnoldsen sem valinn var efnilegasti leikamaður dönsku úrvalsdeildarinnar í handknattleik karla hefur samið við Aalborg Håndbold. Arnoldsen skoraði 144 mörk fyrir Skanderborg-Aarhus Handbold á síðasta tímabili í úrvalsdeildinni auk þess sem hann átti 143 stoðsendingar.
- Auglýsing -
