- Auglýsing -

Mótanefnd úrskurðar Vængjum Júpiters sigur

Mynd/ J.L.Long

Mótanefnd Handknattleikssambands Íslands hefur úrskurðað Vængjum Júpiters sigur í viðureign við Hörð frá Ísafirði í Grill 66-deild karla sem fram fór í Dalhúsum 20. febrúar. Úrskurðurinn var birtur í gær og hefur handbolti.is hann undir höndum. Þar segir m.a. að það hafi verið á ábyrgð Harðar að sá hluti leikskýrslu sem sneri að liðinu væri rétt útfylltur.

Úrskurðurinn var felldur í kjölfar tilkynningar frá Vængjum Júpiters til mótanefndar HSÍ að Hörður hafi notað meintan ólöglegan leikmann í leiknum.


Hörður vann fyrrgreindan leik með sex marka mun, 34:28. Í leiknum kom við sögu leikmaður sem ekki var skráður á leikskýrslu. Þegar eftirlitsmaður komst að þessu gerði hann dómurum viðvart sem sýndu leikmanninum rauða spjaldið. Forsvarsmönnum Vængja Júpiters þótti ekki nóg að gert og sendu fyrrgreinda tilkynningu til mótanefndar og óskuðu eftir að úrslit leiksins yrðu úrskurðuð þeim í vil.


Harðarmenn mótmæltu. Þeir telja m.a. að mistök hafi orðið hjá starfsmanni leiksins sem ekki hafi fyllt rétt út leikskýrsluna eftir að hafa fengið nafnalista Harðar sendan.


Greinagerðum frá Herði, Vængjum Júpíters og eftirlitsmanni bar ekki saman.


Í úrskurði mótanefndar segir m.a.: „Það er ekki annað að sjá en að ábyrgð þess að skrá ekki leikmanninn á leikskýrslu liggi alfarið hjá Herði og telur mótanefnd að fordæmi dómstóls HSÍ, sbr. dóm dómstóls nr.1/2019 eigi ekki við.


Niðurstaða mótanefndar er því sú að Hörður hafi notað ólöglegan leikmann í leik Vængja Júpiters og Harðar og telst því Hörður hafa tapað leiknum 0-10.“

- Auglýsing -
- Auglýsing -

Nýjustu fréttir

- Auglýsing -