- Auglýsing -
Þungu fargi var létt að leikmönnum, þjálfurum og starfsmönnum íslenska landsliðsins eftir sigurinn sæta og góða á Króötum, 35:30, í Lanxess Arena í Köln í dag. Ekki var verra að Austurríkismenn töpuðu í kjölfarið fyrir Frökkum, 33:28. Draumurinn lifir.
Framundan er hreinn úrslitaleikur á milli íslenska landsliðsins og þess austurríska um sæti í forkeppni Ólympíuleikanna þegar flautað verður til leiks á miðvikudaginn kl. 14:30.
Hafliði Breiðfjörð ljósmyndari var að vanda við endalínuna á leiknum í dag og smellti af fjölda ljósmynda meðan á leiknum stóð og eftir hann. Hluti myndanna er hér að neðan. (Smellið á myndirnar að sjá þær stærri).
- Auglýsing -
