- Auglýsing -
Úrslitakeppni Olísdeildar kvenna hófst af krafti í gær með tveimur leikjum. Annarsvegar vann Stjarnan öruggan sigur á ÍBV, 28:22, í Vestmannaeyjum og hinsvegar unnu Íslandsmeistarar KA/Þórs lið Hauka með þriggja marka mun, 30:27, í KA-heimilinu. KA/Þór skoraði fjögur síðustu mörkin í hörkuleik í KA-heimilinu.
ÍBV sækir Stjörnuna heim á morgun í TM-höllina í Garðabæ klukkan 16. Haukar taka á móti KA/Þór á Ásvöllum á sunnudginn klukkan 14.30. Úrslit í rimmum liðanna geta þá ráðist.
Egill Bjarni Friðjónsson var í KA-heimilinu í gærkvöld og sendi handbolta.is myndir. Hluti þeirra birtist hér fyrir neðan. Þökkum við Agli Bjarna fyrir sendinguna um leið og við hvetjum fólk til þess að fara í TM-höllina á morgun og á Ásvelli á sunnudaginn til að fylgjast með spennandi og skemmtilegum handknattleik.
- Auglýsing -
