Íslenska landsliðið í handknattleik náði sinni einu æfingu í keppnishöllinni í Brno í Tékklandi í dag fyrir leikinn við heimamenn á morgun í undankeppni Evrópumótsins í handknattleik. Æfingin stóð yfir í 90 mínútur og var létt yfir hópnum en hressilega tekið á undir styrkri stjórn Ágústs Þórs Jóhannssonar og Gunnars Magnússonar starfandi landsliðsþjálfara. Ekki er hægt að segja annað en æfingin hafi verið hefðbundin. Auk hennar hefur landsliðið fundið tvisvar í dag með þjálfurunum, snemma dag og aftur að loknum kvöldverði sem var í kjölfar æfingar.
Keppnishöllin Mestska hala Vodova-íþróttahöllin í Brno, sem komin er nokkuð til ára sinna, er nefnd „rauða helvítið“ en mun verða rauð að sjá innandyra þegar flautað verður til leiks klukkan 19.15 á morgun. Eftir því sem næst verður komist eru aðeins örfáir miðar óseldir. Keppnishöllin rúmar 2.900 áhorfendur í sæti en sæti eru á þremur hliðum af fjórum. Efri og neðri stúka er á hliðunum þremur.
Hér fyrir neðan eru nokkrar myndir frá æfingunni sem Kristján Orri Jóhannsson ljósmyndri HSÍ smellti af á vél sína.
