- Auglýsing -

Myndir: Æft og lagt á ráðin í Vestmannaeyjum

Arnar Pétursson landsliðsþjálfari fer yfir málin með leikmönnum landsliðsins á æfingu. Mynd/HSÍ

Kvennalandsliðið í handknattleik kom saman til æfinga í Vestamannaeyjum í gær og verður þar fram á morgundaginn þegar hópurinn færir sig um set til Reykjavíkur. Á höfuðborgarsvæðinu verður þráðurinn tekinn upp við æfingar fram á sunnudag.


Æft verður tvisvar á dag auk þess sem fundir verða nýttir til skrafs og ráðagerða. Æfingarnar eru undir stjórn Arnars Péturssonar landsliðsþjálfara sem valdi 22 leikmenn til æfinga fyrr í þessum mánuði.


Næst á dagskrá kvennalandsliðsins eru tvær viðureignir við landslið Ísraels í forkeppni HM 5. og 6. nóvember á Ásvöllum. Áður en að þeim verður kemur landsliðið saman á nýjan leik síðla í október þar sem undirbúningi verður haldið áfram.


Kvennalandsliðið í handknattleik kom síðast saman síðla í apríl þegar leikið var við Svía og Serba í undankeppni Evrópumótsins.

Hér eru nokkrar myndir frá HSÍ af einni æfinganna í gamla góða íþróttasalnum í íþróttamiðstöð Vestmannaeyja.

- Auglýsing -
- Auglýsing -

Nýjustu fréttir

- Auglýsing -