Myndir frá Kristianstad – Íslendingarnir eru mættir

Það var líf og fjör meðal Íslendinga á stuðningsmannasvæði íslenska landsliðsins fyrir utan keppnishöllina í Kristianstad síðdegis í dag þegar Guðmund Svansson ljósmyndara bar að garði. Undirbúningur og upphitun fyrir upphafsleik íslenska landsliðsins á heimsmeistaramótinu var hafinn. Gleði skein úr hverju andliti. Fólk er klætt bláa landsliðsbúningnum, einnig með trefla og húfur auk þess sem fjölmargir eru málaðir í andliti.

Reiknað er með að ríflega 1.000 Íslendingar verði í keppnishöllinni þegar flautað verður til leiks Íslendinga og Portúgala klukkan 19.30. Ljóst að íslensku piltarnir munu fá frábæran stuðning um leið og þeir koma inn í keppnishöllina.

Smellið á myndirnar til þess að sjá þær stærri.