Myndir: Hópur Íslendinga í Lanxess Arena í gærkvöld

Talsvert af Íslendingum var á leik íslenska landsliðsins og þess þýska í Lanxess Arena í Köln í gærkvöld þótt þeim hafi svo sannarlega fækkað mikið frá því sem var í München í riðlakeppninn. Íslendingarnir gerðu hvað þeir gátu að halda í við rúmlega 19 þúsund Þjóðverja sem voru í keppnishöllinni meðan leikurinn fór fram.

Sérsveitin, stuðningsmannafélag landsliðanna í handbolta, stendur ennþá vaktina og gerir áfram með glæsibrag.

Hér fyrir neðan eru nokkrar af þeim myndum sem Hafliði Breiðfjörð ljósmyndari náði af Íslendingum í fólkshafinu í íþróttahöllinni glæsilegu í Köln í gærkvöld.

Á morgun mætir íslenska landsliðið því franska í Lanxess Arena. Flautað verður til leiks klukkan 14.30.