Létt og góð stemning var yfir æfingu íslenska landsliðsins í handknattleik karla í MVM Dome íþróttahöllinni í Búdapest í dag, sólarhring fyrir stórleikinn við Ungverja, leikinn sem mun hafa mikið að segja um hvort íslenska liðið heldur áfram keppni í milliriðlum eða pakkar saman á miðvikudagsmorgun og heldur heim.
Allir 20 leikmenn liðsins tóku þátt í æfingunni sem stóð yfir í góðan klukkutíma.
Fyrr í dag fóru leikmenn, þjálfarar og starfsfólk í PCR skimun. Niðurstaða hennar leiddi í ljós að sem betur fer er ekki covid smit innan íslenska hópsins. Menn horfa þar með vonglaðir fram til leiksins við Ungverja á morgun. Hann hefst klukkan 17 að íslenskum tíma.
Hafliði Breiðfjörð fékk tækifæri til þess að líta inn á æfinguna í dag í upphafi hennar og að vanda var Hafliði með myndavélina meðferðis og stóðst ekki freistinguna að taka taka nokkrar myndir. Hluti þeirra birtist hér fyrir neðan.
Fyrri syrpur Hafliða frá EM2022: Ferðasagan, æfing í keppnishöllinni, upphitun stuðningsmanna, Ísland – Portúgal 28:24, Stórkostlegir, Ísland – Holland 29:28, Stuðningurinn.
