Myndskeið: Ævar Smári smellti boltanum beint í samskeytin

Ævar Smári Gunnarsson skoraði frábært mark beint úr aukakasti í níu marka sigri 18 ára landsliðs karla í handknattleik á færeyska landsliðinu, 32:23, í fyrstu umferð Evrópumótsins í Podgorica í Svartfjallalandi í gær. Leiktíminn var runninn út, aðeins aukakastið var eftir, rúmum metra fyrir utan punktalínu. Mosfellingurinn mætti ískaldur í aukakastið og smellti boltanum upp í samskeytin eins og að drekka vatn.

Ævar Smári og félagar mæta ítalska landsliðinu í annarri umferð Evrópumótsins klukkan 17.30 í dag.

Sjá einnig: Yngri landslið.