Myndskeið: Allt fór í bál og brand

Allt fór í bál og brand á milli leikmanna Vrbas og Kolubara í serbnesku 2. deildinni í handknattleik á dögunum eftir að til stympinga kom á milli tveggja leikmanna liðanna í kappleik. Fór svo að öllum leikmönnum liðanna laust saman auk þess sem áhorfendur blönduðu sér í slagmálin.

Dómarar leiksins réðu ekki neitt við neitt sem er skiljanlegt því lítt var árennilegt að freista þess að skakka þennan djöflagang. Dómararnir drógu sig fljótlega í hlé og létu mesta hitan rjúka úr mönnum. Þegar leikmönnum og þjálfurum var runninn mesti móðurinn hélt leikurinn áfram, svo undarlega sem það kann að líta út eftir það sem á undan var gengið. Um sjö mínútur voru eftir að leiknum þegar upp úr sauð.