- Auglýsing -
- Auglýsing -
- Auglýsing -
- Auglýsing -

Myndskeið: Fleiri rósir í hnappagatið hjá Orra Frey í Portúgal

Orri Freyr Þorkelsson sýngjandi sæll og glaður eftir sigurinn í portúgölsku bikarkeppninni í dag. Ljósmynd /Sporting CP
- Auglýsing -

Orri Freyr Þorkelsson og samherjar í Sporting Lissabon bættu annarri rós í hnappagatið í kvöld þegar þeir unnu portúgölsku bikarkeppnina í handknattleik. Sporting lagði Porto, 34:30, í úrslitaleik í íþróttahöllinni í Viseu. Vika er síðan Sporting vann meistaratitilinn, einnig eftir að hafa lagt Porto í úrslitaleik. Til viðbótar vann Sporting deildarmeistaratitilinn í vor og er þar með þrefaldur meistari.

Sporting tapaði aðeins einum leik í deildinni, úrslitakeppninni og í bikarkeppninni á leiktíðinni. Sannarlega einstakur árangur og einstaklega ánægjulegur fyrir Orra Frey sem kom til félagsins á síðasta sumri.

Orri Freyr lét svo sannarlega til sín taka í úrslitaleiknum í dag eins og í undanúrslitaleiknum í gær. Orri Freyr varð markahæstur í dag með átta mörk. Martim Costa og Jan Aregay voru næstir með fimm mörk hvor.

Gamli refurinn Rui Silva var markahæstur hjá Porto með 10 mörk en keppnistímabilið er hið fyrsta um langt skeið sem Sporting vinnur ekki til verðlauna á heimavígstöðvum. Háværar raddir eru uppi um að Carlos Resende taki pokann sinn á næstu dögum og Svíinn Magnus Andersson taki á ný við þjálfuninni eftir hálfs annars árs fjarveru.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -