Einstakt mál er komið upp í rimmu HF Karlskrona og VästeråsIrsta í umspili sænsku úrvalsdeildarinnar í handknattleik karla í framhaldi af annarri viðureign liðanna sem fram fór í Karlskrona á föstudaginn. Dómarar leiksins hafa verið gerður afturreka með ákvörðun sína.
Annað kvöld, þriðjudag, verður þráðurinn tekinn upp í öðrum kappleik liðanna á því að leikmaður VästeråsIrsta tekur vítakast. Ef hann skorar verður gripið til framlengingar. Ef ekki, fagna leikmenn HF Karlskrona, með þrjá Íslendinga innanborðs, sigri, öðru sinni í sama leiknum.
Þannig háttar til að í hnífjafnri viðureign HF Karlskrona og VästeråsIrsta í annarri umferð umspils um sæti í úrvalsdeildinni á síðasta föstudag var dæmt vítakast á HF Karlskrona á síðustu sekúndu. Karlskrona var marki yfir, 25:24.
Atvikið er að finna hér fyrir neðan:
Slutet Karlskrona-VI pic.twitter.com/UefDVWvjIt
— Thomas Willram (@cafelillanhf) April 5, 2024
Eftir að dómararnir höfðu ráðfært sig við eftirlitsmann snerist þeim hugur. Vítadómurinn var afturkallaður. Forráðamenn VästeråsIrsta lögðu inn kæru vegna framkvæmdar leiksins enda vissir um að leiktíminn hafi ekki verið á enda runninn þegar vítakastið var dæmt. Vildu þeir sitt vítakast og engar refjar. Fengu þeir sitt fram.
Í dag kvað sænska handknattleikssambandið upp úr með að brot hafi átt sér stað áður en leiktímanum var lokið, Vítakastdómurinn hafi þess vegna átt að standa.
Af þessu sökum verður að taka upp þráðinn á vítakasti annað kvöld. Þar sem jafntefli eru ekki tekin gild í umspilinu þarf að framlengja takist VästeråsIrsta að skora úr vítakastinu.
Þess má geta að Phil Döhler fyrrverandi markvörður FH er annar markvörður HF Karlskrona og e.t.v. fær hann það hlutverk að freista þess að verja vítakastið og koma í veg fyrir framlengingu.
HF Karlskrona vann fyrsta leikinn sem fram fór í Västerås hefur einn vinning hvernig sem allt fer annað kvöld.
Dagur Sverrir Kristjánsson, Ólafur Andrés Guðmundsson og Þorgils Jón Svölu Baldursson eru á meðal leikmanna HF Karlskrona.
Þriðja viðureign liðanna fer fram í Karlskrona á miðvikudaginn.
