Einar Bragi Aðalsteinsson skoraði ótrúlegt mark í sigurleik íslenska landsliðsins í handknattleik á gríska landsliðinu á heimsmeistaramóti 21 árs landsliða í Aþenu í dag. Hann vann boltann í vörninni og náði honum út við hliðarlínu á vallarhelmingi íslenska landsliðsins. Í þann mund sem Einar Bragi kastaði í átt að auðu marki Grikkja hinum megin vallarins var hann hindraður svo vart var um hnitmiðað skot að ræða. Boltinn rataði engu að síður rétta leið, 15. mark Íslands varð staðreynd.
Leiknum lauk með eins marks sigri Einars Braga og samherja í íslenska landsliðinu, 29:28. Þeir mæta Afríkumeisturum Egyptalands klukkan 14.30 á morgun, mánudag.
Myndskeið að markinu ótrúlega er að finna hér fyrir neðan.
How did he score this one?! 🤯 Einar Bragi Adalsteinsson 🇮🇸 refuses not to make the most of his steal with a superb long-range goal 🔥#GERGRE2023 #playthefuture @HSI_Iceland pic.twitter.com/QEuzOplhPY
— International Handball Federation (@ihf_info) June 25, 2023
