- Auglýsing -
Sandra Erlingsdóttir, landsliðskona í handknattleik, hefur leikið afar vel með danska handknattleiksliðinu EH Aalborg frá því að hún gekk til liðs við liðið sumarið 2020.
Félagið undirstrikaði þá staðreynd þegar það greindi frá því í gær að Sandra hafi m.a. staðið á baki við 43% marka liðsins á þessu keppnistímabili, 151. Skiptingin er 91 stoðsending og 60 mörk.
Nokkur mörk og stoðsendingar getur að líta á myndskeiði sem félagið birti. Þar má sjá mörg glæsileg tilþrif hjá Söndru, ekki síst margar stórbrotnar stoðsendingar.
- Auglýsing -
