- Auglýsing -
- Auglýsing -
- Auglýsing -

Næsti heimaleikur verður í Laugardalshöll

Íslenska landsliðið leikur á ný í Laugardalshöll í mars. Þá verður 28 mánuðir liðnir frá síðasta leik landsliðsins í Höllinni. Mynd/Hafliði Breiðfjörð
- Auglýsing -

Gert er ráð fyrir að næsti heimaleikur íslenska karlalandsliðsins í handknattleik fari fram í Laugardalshöll sunnudaginn 12. mars. Þá er von á Tékkum í heimsókn til viðureignar í undankeppni EM 2024. Síðast lék íslenska landsliðið í Laugardalshöll 4. nóvember 2020 gegn Litáen í undankeppni EM 2022 og þá fyrir luktum dyrum vegna kórónuveirunnar sem lék lausum hala.

Nokkrum dögum síðan flæddi vatn um Laugardalshöll að nóttu þegar gömul vatnslögn brast. Við tóku langar og tafsamar endurbætur sem lokið er fyrir nokkru.


Áður en kemur að leiknum í Laugardalshöll 12. marks mætast landslið Íslands og Tékklands í borginni Brno í Tékklandi 8. mars, einnig í undankeppni EM 2024. Það verður fyrsti leikur íslenska landsliðsins eftir þátttökuna á heimsmeistaramótinu sem lauk á dögunum.


Tveir síðustu leikir íslenska landsliðsins í undankeppni EM 2024 verða í lok apríl, gegn Ísrael í Tel Aviv fimmtudagin 27. apríl og loks við Eistland í Laugardalshöll sunnudaginn 30. apríl.


Ísland er ásamt Tékklandi efst í riðli þrjú í undankeppni EM með fjögur stig eftir tvær umferðir. Eistland og Ísrael eru án stiga.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -