Elliði Snær Viðarsson skoraði eitt mark fyrir Gummersbach í kvöld þegar liðið tapaði í heimsókn sinni til HSG Wetzlar, 33:31, í þýsku 1. deildinni í handknattleik. Wetzlar var fjórum mörkum yfir þegar fyrri hálfleikur var að baki, 17:13.
Wetzlarliðið hefur sótt í sig veðrið síðustu vikur eftir erfiða byrjun í deildarkeppninni og sýndi í kvöld að það er til alls líklegt.
Gummersbach gat með sigri í kvöld komist upp að hlið THW Kiel í fimmta til sjötta sæti en af því varð ekki. Gummersbach hefur 14 stig að loknum 13 leikjum HSG Wetzlar situr í 12. sæti með 11 stig og fór m.a. upp fyrir Bergischer HC.
Milos Vujovic skoraði 11 mörk fyrir Gummersbach og var markahæstur. Lenny Ribin skoraði átta mörk fyrir Weetzlar og Domen Novak skoraði sex sinnum.
Guðjón Valur Sigurðsson er þjálfari Gummersbach.
Stöðuna í þýsku 1. deildinni er að finna hér ásamt stöðunni í fleiri deildum evrópsk handknattleiks.
